影片
更多
2008-11-10
11 浏览
星期六同太太路过，本来想去另一度食，但系见佢「终于」开舖，入去试一试。地方大体上清洁，但系高台同普通台o既高度实在尴尬，我一路坐，一拧个头就望到人o地八月十五，望低o的就见到人o地鞋底，并不写意！点菜时，餐牌上仲有好多o野遮住，下回分解。结果叫o左 Fatburger 同 Double（即系汉堡同双层汉堡）。个普通汉堡用o左五蚊加芝士，个双层见佢个餐牌已有一块芝士，就另加五蚊要一块烟肉。因为其中一个要餐，所以可以拣粗薯条或幼薯条，问收银小姐可唔可以拣洋葱圈，点知佢话朝头早做o个批已经卖晒，我成四点几o黎但你都唔再整，企划上要扣分。于是，由于自己口味比较「鬼」，所以要o左粗薯条，餐饮清一式汽水，想加钱要奶茶咖啡都唔得。上菜，汽水系七记企身大杯o个只，两个包睇落都足料，薯条都够份量。开餐！薯条欠香味，质地比较粉，冇乜口感，粗身薯条都系咁o既水准似乎差强人意。包方面，个包好失望地系冻o既，虽然块汉堡算 juicy 同热，而且算多菜，芥辣同酸青瓜都几好味，但始终掩饰唔到个包o既缺憾，太太说芝士系普通货，并且因为包唔热而做唔到溶o既效果。至于我个烟肉就中规中距，冇特别。咪住！个餐牌度块芝士呢？唯
地方大体上清洁，但系高台同普通台o既高度实在尴尬，我一路坐，一拧个头就望到人o地八月十五，望低o的就见到人o地鞋底，并不写意！
点菜时，餐牌上仲有好多o野遮住，下回分解。结果叫o左 Fatburger 同 Double（即系汉堡同双层汉堡）。个普通汉堡用o左五蚊加芝士，个双层见佢个餐牌已有一块芝士，就另加五蚊要一块烟肉。因为其中一个要餐，所以可以拣粗薯条或幼薯条，问收银小姐可唔可以拣洋葱圈，点知佢话朝头早做o个批已经卖晒，我成四点几o黎但你都唔再整，企划上要扣分。
于是，由于自己口味比较「鬼」，所以要o左粗薯条，餐饮清一式汽水，想加钱要奶茶咖啡都唔得。
上菜，汽水系七记企身大杯o个只，两个包睇落都足料，薯条都够份量。
开餐！薯条欠香味，质地比较粉，冇乜口感，粗身薯条都系咁o既水准似乎差强人意。包方面，个包好失望地系冻o既，虽然块汉堡算 juicy 同热，而且算多菜，芥辣同酸青瓜都几好味，但始终掩饰唔到个包o既缺憾，太太说芝士系普通货，并且因为包唔热而做唔到溶o既效果。至于我个烟肉就中规中距，冇特别。咪住！个餐牌度块芝士呢？唯有问店员系咪放漏o左，佢问一问佢大佬，大佬过o黎回覆系「冇o既，收银小姐唔记得问你？」我答佢有，我只系见张图有于是以为你有。佢跟住去o左收银度「训示」个姐姐，件事亦不了了之。
食完之后，我同太太讲o左句：「应该都唔会再o黎。」
张贴
