亞坤 (已結業)

品尝过星加坡嘅亚坤，感觉唔错又好味。今次经过尖沙咀就试试香港呢间。我食嘅系Set A: Kaya Butter Toast咖椰牛油吐司套餐（$39)。呢个套餐包括驰名嘅吐司+2只糖心蛋+1杯热咖啡或茶，但我就改左配咖啡沙冰(+$6)。友人就叫左杯热鸳鸯($22)。食物味道方面就一般。饮品就无需自己加糖加奶。同大家乐、美心一样，顾客要排队点餐付钱，员工根据牌号送餐。我同友人等左半小时，全餐都仲未到齐。首先，等左十五分钟，佢出左个吐司比我，但个吐司冻哂，糖心蛋仲都未到。十分钟后，糖心蛋到，但杯饮品都未到，仲要等多五分钟。一个原本系简快嘅下午茶，浪费左好多时间等待，整整半个钟d野食饮品先到齐。而员工就只系围住个出餐位，企系度，甚少清理客人台上餐具。我会去大家乐、美心、茶餐厅食佢地既下午茶餐都唔会再光顾香港亚坤，非常失望。我认为系餐厅管理方面有好大嘅进步空间。