泰昌餅家 (南豐廣場)

营业中

休息中

南丰广场入面嘅泰昌饼店做咗装修之后，喺外面睇觉得都几靓，所以每次行过都有想入去试吓嘅冲动，但系身边嘅人都提我唔好乱试，始终抱有猎奇嘅心态，真系想入去试试，今晚屋企人终于话俾个机会我了我一个心愿，果然系猎奇食物嘅质素😰菜心炒牛肉以小菜有饭有嘢饮黎讲，其实唔贵，但系真系一分钱一分货，牛肉系完全没有肉味，而且充满松肉粉嘅质地，味道一般，佢用咗蒜蓉来炒，但系蒜蓉完全聚集于𩠌嘅其中一边，完全冇炒匀。菜心算系里面最好味的。铁板牛扒餐呢个真系有惊喜，上碟嘅时候见到大大块好吸引个样！但系块肉绝对系丧尸肉，加上无穷无尽嘅松肉粉，食入口其实唔知食咗啲咩！之后讲吓佢个蒜蓉汁，其实用「汁」黎形容系错嘅，佢系杰过你屋企支牙膏，倒唔到出嚟果种！跟餐俾咗一个意粉，系就咁用滚水烚咗啲意粉，然后上面淋一啖茄汁果种，完全没有诚意！成份铁板餐入面最好味系即炸嘅薯条！热柠檬茶估唔到，这一餐俾到我最有猎奇嘅感觉，竟然系杯热柠檬茶！唔知发生咩事，全杯都系漂白水味！喺彻彻底底用漂白水系浸𠮶只杯，然后再冲一杯柠檬茶𠮶种味道！！最后我哋唔敢饮放返喺度就走咗。餐厅环境坐得舒服，因为晚饭时成间餐厅根本就冇咩人！入嚟嘅人数亦都代表左一啲嘢。