日本雪糕物語 (金馬倫道) (已結業)

好开心香港终于有Cremia软雪糕卖，但又好唔开心...因为试完之后，根本系两回事。如果没有亲身去日本食过当地嘅Cremia软雪糕，或者就唔会有比较，唔会有失望。日本一个原味买紧500円，香港原味则买38蚊港纸，价钱其实都差唔多，但味道上其实大不同。香港版Cremia质地比较软身，感觉有啲稀，溶得比较快，口感好滑溜，但奶味唔够浓比较淡。好彩个类似「白の恋人」嘅曲奇筒，味道同口感都同日本食嘅一样，好香。除咗个雪糕筒，软雪糕个味道实属普通。而香港限定嘅榴连味也只系在原味雪糕上多洒一层榴连味嘅粉末...实属敷衍，但价钱却要俾多$7...贵！唔值！铺头除咗卖Cremia系列，亦有售其他日本品牌雪糕，其实可以一试其他产品，或者宝物在其中。