水門雞飯 (百宜樓) (已結業)

好耐冇出街食过野啦真喺好耐都未出去行过街啦😩，最近好多铺头都选择关门，真系想食嘢都难啊😕😕。经过尖沙咀，见到间食水门鸡既餐厅，里面好多人都食紧，应该都唔错，所以就选择入去试试佢。*餐厅啲墙都刻左应该系泰文嘅字眼，至于内容系啲咩就唔多清楚啦😂😂整体黎讲环境都几干净，坐落都舒服嘅。之后我同个朋友叫左双拼水门鸡饭、鲜虾冬阴功炒金粉同秘汁泰式生虾🦐🦐。*双拼水门鸡饭会送冬瓜汤😧😧，个汤会有少少辣，鸡饭方面有炸同唔炸两种口味，炸鸡方面唔会好大旧，一啖就食到落口，原味嘅鸡就相当滑，啲皮唔会太多同太厚，所以总结黎讲系唔错！*鲜虾冬阴功炒金粉方面，唔算好大碟，但系黎到嘅时候好香，由于颜色方面有啲红，所以都知有一定嘅辣度，本人黎讲系接受到嘅，虾都入到味同大只😋😋*食完啲熟食之后，就叫埋个秘汁泰式生虾，配埋自己整嘅酱汁，带点酸同辣味，相当开胃，建议可以食左呢样先再食其他👍🏻。*整体黎讲，呢间水门鸡餐厅价钱算平民价，质素都唔错，可以下次再食多次。