中村藤吉 (已結業)

由开业到依家，讲咗话食十年都未食到，今日因为weekday嘅关系，本人差唔多系唔需要等嘅情况就有得食。仲要十万个好彩地被安排咗去坐窗口位，都可以话个景令成件事加咗唔少分。餐厅预先准备咗一壶焙茶比客人。望完个景一轮之后，我地分别点咗焙茶生茶啫喱同抹茶芭菲。两者之间，我会比较喜欢抹茶芭菲。最顶层嘅cream有很浓嘅奶味，加上下嘅卜卜米，抹茶mousse，抹茶啫喱，红豆同白玉，虽然系原始嘅芭菲配搭，但味道亦不过不失，mousse不会太甜。而焙茶生茶啫喱就普普通通，并冇太大惊喜。焙茶啫喱虽然颜色很深，但茶味却一般，不太浓烈。白玉一如既往都系冇味嘅小丸子，但质感几好。相反，旁边嘅焙茶雪糕却岀奇地有更明显嘅焙茶味，令原本冇乜味嘅啫喱同白玉加反啲味。整体而言，甜品味道不过不失，中庸喇，亦比较适合食得唔太甜但又想食甜品嘅人。作为一个茶嘅爱好者，我会觉得佢地嘅茶(枱上𠮶壶)比甜品好。茶，始终都系双手拎住茶杯，热腾腾咁饮落口满足啲。