好旺角粥麵專家

营业中

休息中

好旺角又细食到大。。细个个时妈咪带我去食，或者去完教会会买外卖俾我地食。虽然好多人叫面类、捞面，但我最最最钟意食系佢既粥！细个妈咪会叫及第粥俾我地几兄妹食，仲好记得以前佢地未搬铺仲系旺中对面个时，无新店装修，伙计全部都上晒年纪，会光顾一次又一次既就真系佢地食物既质素。佢既及第粥煮得好绵，用个细铁煲加大火去煮，加埋啲料去煮，我见佢每次都系一两碗咁煮，我真系觉得好好食。而家每次去都会叫一个腰润粥，加一碟油菜，佢未必系最物超所值既一间，但系我心目中系最好食同最有感情既一间。