影片
更多
2017-10-30
408 浏览
我对太古既形象就系「纯住宅区」而且价钱唔平，同埋有某一D银行会佐佢地既Back Office Site 系呢一区，如果唔系探望朋友，其实自己都冇乜机会可以踏足到呢一个区份。亦因为我对太古既认识唔深，只知道有一个几大既商场，所以决定探访朋友之前可以到处走走，加深了解，而就在闲逛既时间比我发现佐呢间我既最爱绿茶甜品店，而最令我兴奋既系，平时要排生排死先食到既餐厅，呢度竟然可以随便乱入？ 那当然要一试啦！餐厅主打既甜品，在门外的陈列架上有dummy既demo，可以作为选购的协助。餐厅都几大间，各其他分店一样，非常简洁的日式装潢，令人感觉洁净。餐牌都几大本，除了甜品外，这里也有各式的热食以供选择，可以正餐甜品一条龙完成。葡萄煎茶 $20基本上，只要点购各款既热食例如饭或者面，只要加 $20 就可以变成套餐，跟一杯自选茶，都算几抵。煎茶有特别既饮用方法，而枱上都会有个 guideline 俾客人，简单来说，就系第一泡茶店员会为我们准备，而第二、三况茶就可以加热水，再等30秒就可以饮用啦。葡萄煎茶闻落真系好香葡萄味，但系饮落其实系好清既普通茶味，基本上可以将味蕾同埋嗅觉分开去感受呢杯茶，亦系茶道既
亦因为我对太古既认识唔深，只知道有一个几大既商场，所以决定探访朋友之前可以到处走走，加深了解，而就在闲逛既时间比我发现佐呢间我既最爱绿茶甜品店，而最令我兴奋既系，平时要排生排死先食到既餐厅，呢度竟然可以随便乱入？ 那当然要一试啦！
餐厅主打既甜品，在门外的陈列架上有dummy既demo，可以作为选购的协助。
餐厅都几大间，各其他分店一样，非常简洁的日式装潢，令人感觉洁净。
餐牌都几大本，除了甜品外，这里也有各式的热食以供选择，可以正餐甜品一条龙完成。
葡萄煎茶 $20
基本上，只要点购各款既热食例如饭或者面，只要加 $20 就可以变成套餐，跟一杯自选茶，都算几抵。
煎茶有特别既饮用方法，而枱上都会有个 guideline 俾客人，简单来说，就系第一泡茶店员会为我们准备，而第二、三况茶就可以加热水，再等30秒就可以饮用啦。
葡萄煎茶闻落真系好香葡萄味，但系饮落其实系好清既普通茶味，基本上可以将味蕾同埋嗅觉分开去感受呢杯茶，亦系茶道既一种享受。
抺茶乔麦面 (热) $78
热食我们首先点了一碗抺茶面面，绿色既抺茶面慢慢把汤底染成绿色，份量唔算系好大碗，男士食未必够，女士就应该够饱，面条硬硬地，食落几有咬口感，而面质比较滑身。
焙茶朝薰 (冷) $20
另一杯饮品我选了名字比较特别的焙茶朝薰 ，据说是餐厅的第三代传人发明的，将茶叶炒过后，会释放出夸人的香气，茶味亦会更浓郁，今日一尝，果然比平时更甘香，虽然我今日饮既系冻饮，已经因为冰块既溶化而变淡，但系仍然够香够甘。
京式鳗鱼饭 $98
食完面，当然也要试下餐厅既饭品质素如何，而餐厅既饭选择唔算多，或者可以说是无选择？ 只有鳗鱼。
在没有选择 或者 系比较专的情况下，这碗鳗鱼饭确实做得不错，日本糙米的甜香，带点黏口感的口感，而鳗鱼既份量也都不少，食落厚厚的鱼肉，加上甜甜的鳗鱼汁真系一流。
跟饭送埋既面豉汤令到成餐热食既experience 更完美，饮完成个人即刻暖哂。
香港限定芭菲 $98
而黎到京林屋，当然也要吃它们的招牌甜品啦，本身一心今次要试其他的甜点，但系最后都系比呢款香港限定芭菲吸引住。
里面有抺茶雪糕，小丸子，抺茶啫喱，麦片，玉米脆脆，红豆蓉，奶冻，等等，一次过满足多个愿望，而最喜欢既系佢地既抺茶雪糕，真系够浓够香滑。
特制京林屋抺茶馅蜜 $98
我们 order 的另一款甜品，同样精彩，里面有抺茶雪糕，抺茶啫喱，小丸子，果冻，和抺茶蕨饼，一次过可以食到多款口感，满足多个愿望。
餐厅附有黑糖浆，可以因应自己的口味而加上，有别于其他店，这里的抺茶蕨饼比较淋身，食落冰凉，而抺茶味则超浓，好好味，但要小心抺茶碎粉，不要大力吸入呢。
京林屋给我的印象就系要排队、排队，和排队，这次来到太古可以食到，而且人流不多，绝对令我喜出望外，而这餐厅也可能会成为我再三到访太古的唯一理由呢。
张贴
