波士冰室 (已結業)

荃湾多好野食，连冰室都咁高质。今日行完街黎到千色店揾食。餐牌有个十大推介，我地都系当中拣左几样黎食。加倍肠仔焗肉酱意粉一捞起Ｄ意粉即刻香味洋溢，意粉面头有少量切碎左既三色椒，估唔到食落都有好香三色椒味，肉酱同肠仔味道都唔错，意粉有少少焗过左有少少干，整体都高分。常餐-沙丹猪扒公仔面，炒蛋，丹麦多士。公仔面原来系出前一丁，好香好重麻油味（系比平时重）猪扒有点香矛味唔错但硬左Ｄ，丹麦多士好好味可惜冇得单点。餐饮加左杯特饮冰奶茶奶茶只有两粒大冰，冰系由奶茶制成，特别既系我地食左成个钟Ｄ冰都系冇溶到，可以整碎佢做奶茶沙冰。最后叫左两个甜品。拉芝西多士同埋普通西多士。个人认为两款味道差不多（西多士一定好味），芝士个款系多左重口感。