爽爽麵店 (已搬遷) 新店位置

爽爽唔好话劣评，连一个「OK」都冇，入到元朗当然要去试一试。入到去有咁啱有三个位就即刻坐底。伙计们都好有礼貌，亦都好耐心咁等我地谂想叫D咩，服务非常之好。我既猪扒河来到，觉得个样有少少古怪，唔多似平时D猪扒，感觉上好似一层层咁。唔理三七二十一，食左先至讲。个猪扒非常之松化而且好入味! 食得出唔系用松肉粉，而系因为个猪扒够靓够新鲜，食落去真系好似有一层层咁。味道唔会话好咸，而系啱啱好，好无敌! 香港人用「猪扒」形容又干又唔靓既女仔，但系爽爽既「猪扒」就完全唔系依回事。试左试妈妈的醉鸡。肉嫩滑得来够结实有弹性，最正系那厚厚的鸡皮，正。酒味唔太重，但其实淡淡的几香。冇个猪扒咁正，不过也值得一试。爸爸叫左捞面，所以最后饮左少少佢个汤，几清甜! 下次再来，决定要叫猪扒捞。