影片
更多
2015-07-26
863 浏览
香港人除咗生活急促，生态仲好独特，例如钟意冬天食雪榚、夏天打边炉，突然挑起条筋想试下「如何大热天时打边炉」。不过人大咗，相对起「任食」，「质素」更形重要，记起大角咀有间「靓煲皇」，搬铺后一次都未去过，于是就约埋男公关再次出征。成年无嚟过，由楼上铺搬去对面街楼的地铺，虽然Size好似差唔多，不过装修同座位都大有进步，由平民化升级感觉更高档。台凳新束束之剩，亦有椅背，坐都坐得舒服啲。冷气通风都唔错，虽然夏天，有冷气打边炉无难度，而且食完唔会个身一阵「边炉味」。仲有细台仔同篮用嚟放袋用，相当贴心。特别要赞嘅系除咗有电视，仲有Wifi同USB差电口，慢慢一边打炉，一边打手机Game长期作战无难度！一埋位阿姐就送上前菜，花生瞬间扫清，但酸瓜对好多人嚟讲就真系太酸，几乎无乜食过。除咗前菜，阿姐亦会递上酱料Box，方便客人依个人口味「混酱」。边炉汤底有好多种，除咗平时𠮶啲「沙嗲」、「皮蛋芫荽」等，仲有「冬阴功」、「猪骨煲」、「花胶海参鸡」等多种特色汤底。亦有少量镬气小炒，不过打得边炉就唔叫Lu。靓煲皇 $238虽然想叫「花胶海参鸡汤」，不过因为有朋友唔食花胶，最后都系要「靓煲皇」。本身就系胡椒猪骨煲
成年无嚟过，由楼上铺搬去对面街楼的地铺，虽然Size好似差唔多，不过装修同座位都大有进步，由平民化升级感觉更高档。台凳新束束之剩，亦有椅背，坐都坐得舒服啲。
冷气通风都唔错，虽然夏天，有冷气打边炉无难度，而且食完唔会个身一阵「边炉味」。仲有细台仔同篮用嚟放袋用，相当贴心。
特别要赞嘅系除咗有电视，仲有Wifi同USB差电口，慢慢一边打炉，一边打手机Game长期作战无难度！
一埋位阿姐就送上前菜，花生瞬间扫清，但酸瓜对好多人嚟讲就真系太酸，几乎无乜食过。
除咗前菜，阿姐亦会递上酱料Box，方便客人依个人口味「混酱」。
边炉汤底有好多种，除咗平时𠮶啲「沙嗲」、「皮蛋芫荽」等，仲有「冬阴功」、「猪骨煲」、「花胶海参鸡」等多种特色汤底。亦有少量镬气小炒，不过打得边炉就唔叫Lu。
靓煲皇
$238
54 浏览
0 赞好
0 留言
靓煲皇 $238虽然想叫「花胶海参鸡汤」，不过因为有朋友唔食花胶，最后都系要「靓煲皇」。本身就系胡椒猪骨煲做底，上面铺上多只大扇贝、鱼干、鱿鱼干，光睇到都兴奋！
打边炉前梗系要试下头啖汤，猪骨入味香淋，而且肉同软骨劲多，真系啖啖骨胶原！汤头绝对要赞，入口除咗浓浓嘅猪骨味，仲有淡淡嘅海鲜鲜味，加上微微嘅胡椒香辣，真系一饮就停唔到口！𠮶一刻我曾经谂过「不如剩系饮汤饱算」。顺带一提店员姐姐好好人，因为唔知汤底入面有栗米同萝卜，原本有落到，姐姐见到后特登走过嚟同我哋讲入面有，问要唔要取消，好贴心。
桂花蚌
$108
52 浏览
0 赞好
0 留言
每次打边炉必叫，几新鲜，渌几秒爽口微甜。
雪花肥牛
$68
37 浏览
0 赞好
0 留言
开头我以为会嚟啲酒楼未融雪一大旧劲薄𠮶啲，所以好惊喜，好有肉香，虽然油脂多，肉质都较韧，不过好有咬口，意外地正！
手切肥牛
$178
60 浏览
1 赞好
0 留言
特登叫多款较贵嘅牛肉感受一下分别，因为手切所以每块都好薄，而且油脂明显上面个款少得多，牛味亦较重。
等级，系食得出嘅。
手打墨鱼滑
$98
47 浏览
0 赞好
0 留言
黏性几高，渌完后都好弹牙，不过唔知系师傅调味重口咗，定汤底浓，食落略咸同重胡椒味。
手打墨鱼丸
$78
45 浏览
0 赞好
0 留言
意外叫错（明明应该叫四宝，到底班FD有几钟意墨鱼？），虽然同样系墨鱼，但同「滑」又唔同滋味。质感实净非常，弹性十足，唔松散，而且吃到墨鱼粒，单系呢点经已加咗唔少分。
包心芝士丸
$48
44 浏览
0 赞好
0 留言
皮虽然厚，但好弹有咬口，亦因为厚皮，内涵嘅芝士刚好受热融化而唔会漏出。成粒放入口唔觉热，但一咬芝心立即激射而出。
无错，我呢下就灼亲喉咙。
蟹籽包心丸
$48
41 浏览
0 赞好
0 留言
整体同芝士丸差唔多，都比出面食嘅好味。
豆卜
$38
29 浏览
0 赞好
0 留言
无乜特别值得弹，不过质素的确系比一般食肆好，吸收埋汤嘅精华真系不得鸟！
白鳝片
$78
73 浏览
0 赞好
0 留言
家下物价咁贵，$78蚊食到大条白鳝片，而且新鲜得嚟份量都几足，我心足鸟。
不过如果切厚少少口感会更正，始终食鳝都系钟意种烟韧咬口。
黄沙猪润
$32
58 浏览
0 赞好
0 留言
虽然睇落好新鲜（事实的确都系好新鲜），不过可惜味道无想像中咁鲜甜。不过要赞每块猪润都吉咗些少针洞，方便渌个时睇到有无血水出，唔会咁易Overcook。
娃娃菜
$28
45 浏览
0 赞好
0 留言
新鲜，不过相对就咁食，佢嘅煲汤作用更大。
唐生菜
$28
44 浏览
0 赞好
0 留言
一睇就知有几新鲜，而且本身味浓，相对娃娃菜我更钟意呢种。
炸鲜鱼皮
54 浏览
0 赞好
0 留言
同出面一包包即开即食𠮶啲好唔同，用鲜鲩鱼腩皮即炸，外面金黄香脆，但脆卜卜下嘅鱼皮仍然保持烟韧。而且咸咸地，就算唔渌斋送酒都好一流！
手打乌东
$10
59 浏览
0 赞好
0 留言
Meun无写系手打乌东，开头以为会系cheapcheap酸味乌东，突然感觉到「果然唔系靓料唔上台」。
Asashi
42 浏览
0 赞好
0 留言
绿茶甜品
63 浏览
0 赞好
0 留言
题外话/补充资料：
老实讲家下越嚟越多「边炉」、「鸡煲」、「部队锅」嘅铺头，但可以用中等价钱食到优质食物又有几多间？一个唔好彩仲要受店员黑面。
可以$230食到高质又饱肚嘅边炉，如果有FD叫我去打边炉，我谂都系靓煲皇做首选，至少肯定唔会「贴钱买难受」。
(以上食记乃用户个人意见 , 并不代表OpenRice之观点。)
张贴
