OH MY GOOSE! (已結業)

今日两个人去旺角睇戏，开场前当然要食少少野，仲要快靓正𠮶只，于是去咗朗豪坊嘅food court ，呢度容易揾位，选择又多，见到呢间「Oh My Goose」，个名好得意，一定系出名烧鹅啦，啱晒我哋两个离远见啲烧味好吸引，望见都口水流，仲好多人排队，见到个餐牌有「暗然销魂饭」，就谂起食神嘅家燕姐，一于就试吓叉烧半肥瘦，铺左白饭上面，叉烧嘅肉汁自然咁渗透喺饭里面，食过叉烧饭嘅人都知道，叉烧绝不能分开上的，呢个系重点，有啲餐厅扮高档，将叉烧分开上，就完全唔系𠮶件事再将只半熟流心蛋刺穿，将蛋黄桨混和一起，正正式式嘅暗然销魂饭精粹喺晒度，冇得输朋友就食得更招积，原只烧鹅髀不特止，仲要讲明免切，识食得佢吖成只鹅髀揸住系手，𠮶种满足感，系冇嘢可以代替，睇住佢食嘢个样真系招积到冇朋友，哈哈今餐我哋拣咗爆柠茶，系用青柠加柠檬，甜度适中啱晒香港人口味，我哋都觉得同烧味好夹，估唔到今餐我哋又撞得几好呢间铺头喺呢个food court来讲，长时间大排长龙，证明好受欢迎，价钱平，食物得，已经系致胜之道