旺泰特食

营业中

休息中

每次去西贡玩水，4点几就要去排队冲凉，6点前要去到旺泰就可以顺利入座。呢度有种泰国排档嘅风味，长期满座。玩完水当然要饮个椰青，等紧上菜已经暑气全消。每人先食三串串烧。我最钟意食烧全翼，鸡肉好嫩滑。烧鸡肾如果外层可以脆少少就更加好食。沙嗲汁唔辣，少少甜味好开胃。泰式炒金边粉份量唔大，但系好足料，𩠌菜仲多过粉。酱汁酸酸甜甜，捞埋我最钟意食嘅芽菜就更加清爽。猪肉生菜包又鲜又辣，香料十足，好适合夏天食，又系愈食愈有胃口。但系对我黎讲太辣喇，只可以食一两块。