城大食坊

营业中

休息中

今日去CityU, 顺便食埋个靓饭先返，原本想食个健康沙律餐嘅，但今日由于太迟所以得返好少款，同埋谂到好似放左咁耐，就即时转轪，脆脆地食返AC1算啦~一睇个menu board,好快谂到要食个龙虾汤海鲜烩饭，因之前食过咩西班牙烩鸡饭完全大伏，其他又唔想试，就叫D个好似安全D嘅。 龙虾汤海鲜烩饭 ($28)卖相都唔错，3款海鲜(鱼柳，青口，虾)加四季豆同香草点缀，以咁嘅价钱，有3款海鲜都不错嫁啦~首先四季豆有D生，但系可以接受嘅程度；鱼柳炸粉不太多，都可以食到啖啖肉，但炸得有D油，食完个嘴充斥油腻感；而青口同虾完全只系白焯，完全冇味，冇应该要有嘅龙虾汤味，所以龙虾汤烩饭还龙虾汤烩饭，海鲜就海鲜，两者无交集。  只系虾嘅质感都叫弹牙。而龙虾汤海鲜烩饭嘅意大利饭就有惊喜，D饭索哂D龙虾汤，好入味，加上有D忌廉煮过下嘅蘑菇，成个饭都好creamy，好香~~ 整体好appreciate个龙虾饭，边个话大学canteen饭一定难食，都有少少惊喜，整体可以接受。