甜匠

营业中

休息中

甜品有边个唔中意食先，我觉得每个都最中意啦，只系争在中意食边类型既甜品姐，今次去左个世人形容为美食沙漠既马鞍山食甜品，讲真呢间甜匠位于大型商场既地下，就地段同价格黎讲有少少贵，不过周围都揾唔到甜品店，唯有将就一下。本身我地只系叫有3个甜品，热既冰糖雪梨桂花双丸，朱古力心太软同埋焦糖牛乳香蕉窝夫。本身见桂花双丸个个几好食决定嗌埋紫薯个个啦，点知好似食紧番薯糖水咁冇乜特别，而且啲糖吸收得快食到最后成碗糖水都好干，唔太好食。而心太软同窝夫都无乜特别，反而佢既牛奶雪糕好好食，好滑溜有好重既牛奶味，加埋热辣辣既窝夫或者心太软都邪恶感极重呀🤤