麥田廚房 (已結業)

由于响铜锣湾闹市暂时谂唔到食乜，我仍然系响Openrice搜寻呢区，集中揾西餐，结果就嚟咗“麦田厨房”。餐牌日日唔同，主菜要咗俄式串烧鱼配俄菜饭、拣咗罗宋汤。罗宋汤浓稠杰身，以番茄、薯仔、红菜头、萝卜、牛腩淆成，唔太辣之余充满甜味，牛腩腍滑唔韧有浓郁肉味。主菜嘅俄式串烧龙俐柳，质感略散，且较油，但洋葱烧香咗充满甜味，条鱼又微焦，味道几好。据侍应讲解，俄菜饭系萝卜丝同香料捞成，食落几易接受同入口。少有突然想食甜嘢嘅我，查询当日甜品，同一位女侍应记得我嘅主菜要饭较滞腻，建议要柚子芝士饼。芝士饼入口充满清新柚子味，质感冇New York Cheese Cake咁硬实，但又唔会太松散，非常讨好。再饮啖咖啡，即时令原本带涩嘅咖啡变得顺滑浓郁。第一次觉得coffee & cake原来可以产生强烈嘅正面化学作用！☕➕🍰=😄餐厅侍应非常专注，问嘢答到之余仲识比提议客人。我好努力举机抄高影紧餐枱纸嘅时候，另一位男侍应行过嚟话比张我等我唔使影得咁辛苦。好贴心😱呢条街接近铜锣湾边位远离市中心，感觉上好宁静。同一条街仲有好多嘢食，又多一个新点比我慢慢探索。