影片
更多
2019-11-02
573 浏览
出差后返香港，约咗朋友湾仔食饭，见个靓面兼派下手信。由于湾仔系佢地头，所以请朋友发板，我就得一个要求「港式」，事关个几星期无食常餐，好挂住😭.朋友拣咗呢间，因为近佢公司同水准几好。我㩒开条link𠮶下，心谂咁大整蛊，好多负评㖞⋯不过佢话同同事食过，唔差，咁梗系信住先啦😂.叫咗雪菜肉丝汤米配炒蛋多士，冻奶茶；朋友就食咖哩猪排饭。本身同朋友2个坐哂一张卡位枱，但之后嚟咗6个人等位，所以侍应姐姐请我哋调去另一张卡位枱。正值午餐高峰期，搭枱坐是常识吧～.老老实实，常餐唔会有咩期待，餐送到嚟都无咩惊喜，好正常𠮶种😂不过食落真心觉得有惊喜，呢度嘅雪菜肉丝米加咗虾米落去，个虾米味劲香浓（系好食虾米，唔系得个样，无味𠮶啲，诚意货嚟），雪菜唔会太咸，米粉好大一碗，食极都有雪菜肉丝，食到尾都有𩠌（绝对唔系连锁快餐𠮶啲得2啖）。唯一要挑剔，大概系多士烘得唔够耐，唔够脆，但又未到未烘过嘅阶段，在可接受范围内。.冻奶茶，茶味够浓，够冰冻。食哂成个餐，仲有冰㗎！（而我同朋友食嘢都系乌龟速）够冻嘅冻饮，今时今日唔易揾㗎⋯你明啦，钱就畀足，但唔够冻𠮶下真系⋯⋯🤦🏼♀️.食食下，侍应姐姐走过嚟同我哋讲唔该，我同朋友2个
.
朋友拣咗呢间，因为近佢公司同水准几好。我㩒开条link𠮶下，心谂咁大整蛊，好多负评㖞⋯不过佢话同同事食过，唔差，咁梗系信住先啦😂
.
叫咗雪菜肉丝汤米配炒蛋多士，冻奶茶；朋友就食咖哩猪排饭。本身同朋友2个坐哂一张卡位枱，但之后嚟咗6个人等位，所以侍应姐姐请我哋调去另一张卡位枱。正值午餐高峰期，搭枱坐是常识吧～
.
老老实实，常餐唔会有咩期待，餐送到嚟都无咩惊喜，好正常𠮶种😂不过食落真心觉得有惊喜，呢度嘅雪菜肉丝米加咗虾米落去，个虾米味劲香浓（系好食虾米，唔系得个样，无味𠮶啲，诚意货嚟），雪菜唔会太咸，米粉好大一碗，食极都有雪菜肉丝，食到尾都有𩠌（绝对唔系连锁快餐𠮶啲得2啖）。唯一要挑剔，大概系多士烘得唔够耐，唔够脆，但又未到未烘过嘅阶段，在可接受范围内。
.
冻奶茶，茶味够浓，够冰冻。食哂成个餐，仲有冰㗎！（而我同朋友食嘢都系乌龟速）够冻嘅冻饮，今时今日唔易揾㗎⋯你明啦，钱就畀足，但唔够冻𠮶下真系⋯⋯🤦🏼♀️
.
食食下，侍应姐姐走过嚟同我哋讲唔该，我同朋友2个黑人问号🤷🏼♀️。姐姐：头先多谢你哋调枱啊，所以先可以安排到下一枱客人可以一齐坐咋！呆咗呆，先识应佢唔洗客气。普通茶餐厅要调枱，应该系闲事吧⋯⋯无谂过佢哋居然记得，仲要特登行过嚟讲多谢。服务态度超水准啦！
.
食完后，我嘅结论系：边得嚟咁多负评？！食物味道中上，侍应态度好，环境坐得舒服唔太逼，$50一个餐连饮品，仲有咩好嫌弃？🤷🏼♀️
.
有下次～
有机会想试下晚餐小菜🤤
张贴
