Neway Karaoke Box (已結業)

疫情依旧，仲破埋新高，生意难做，而家连Neway卡拉ok都要变阵，话说系想住去唱k buffet的，点知当日突然收到电话因为疫情关系，当晚唔会有buffet提供，反而可以计埋人头费，提供韩式烧烤，想住几抵下，咪试下呢个。开头想住韩式烧烤呢个套餐系佢烧埋啲比我地，点知突然服务员搬晒炉具，生肉入晒来，仲点埋火😂，我个刻先醒觉原来系我地自己烧，真系未试过一路烧烤，一路唱k。个韩烧套餐有，牛小排，牛板腱，封门柳，五花腩，同埋蔬菜等，如果你想再加肉，只要加$48，就有一碟，再送多2碟其他自选肉比你，肉质都ok，算新鲜。服务员态度好好，又帮我地烧，又拎除臭剂，又送白饭，同埋好有耐性讲解👍