一鍋豐 (已結業)

星期日諗住同屋企人去打下邊爐，經過創興見到呢間好似唔錯就入去試下。一入到去覺得好大，燈光好充足。個時七點鐘唔係好多人，但八點左右就開始多人。位置都幾闊落，坐得幾舒服食物選擇都多，我地先叫左個湯底，川芎天麻大魚頭鍋，有少少藥膳既感覺，味道都唔錯，湯底亦都幾濃郁我地叫個套餐包左個海鮮拼盤，全部都好新鮮，最吸引既係鮑魚同埋魚，鮑魚雖然細細舊但好爽口彈牙，魚就比較嫩滑。之後到打邊爐既食物，一定要食嘅係鮮滑牛肉，唔使碌咁熟，就食到佢既嫩滑，超級正。另外蜆都值得一嗌，雖然細細隻但好鮮嫩。所以呢兩樣野都叫左兩三轉。墨魚滑都係其中一樣特別喜歡既食物，新鮮嫩滑。打邊爐必備既食物呢間都有，但環境一啲都唔遜色，價錢又合理，值得黎一試。