一鍋豐 (已結業)

星期日谂住同屋企人去打下边炉，经过创兴见到呢间好似唔错就入去试下。一入到去觉得好大，灯光好充足。个时七点钟唔系好多人，但八点左右就开始多人。位置都几阔落，坐得几舒服食物选择都多，我地先叫左个汤底，川芎天麻大鱼头锅，有少少药膳既感觉，味道都唔错，汤底亦都几浓郁我地叫个套餐包左个海鲜拼盘，全部都好新鲜，最吸引既系鲍鱼同埋鱼，鲍鱼虽然细细旧但好爽口弹牙，鱼就比较嫩滑。之后到打边炉既食物，一定要食嘅系鲜滑牛肉，唔使碌咁熟，就食到佢既嫩滑，超级正。另外蚬都值得一嗌，虽然细细只但好鲜嫩。所以呢两样野都叫左两三转。墨鱼滑都系其中一样特别喜欢既食物，新鲜嫩滑。打边炉必备既食物呢间都有，但环境一啲都唔逊色，价钱又合理，值得黎一试。