渝人碼頭 (已結業)

我好钟意食辣，不过香港啲啷台湾麻辣火锅都唔辣嘅，次次食完都失望。男朋友话公司附近开咗间麻辣火锅，好似几似样，有晚接佢收工就去try try。我哋叫咗个只鸳鸯锅，一边系麻辣牛油锅，一边系老鸭（见隔离枱叫酸菜鱼好似都几正，不过男朋友麻麻酸菜所以无嗌）。一上枱见到啲辣椒就觉得猛料，起初以为唔辣，点知越食越正。因为我唔食牛，所以叫咗一碟牛畀佢自deal，再嗌咗碟伊比利亚猪，仲有白鳝，鸭血，好好玩嘅菇，仲有鲜鸡件（怕唔够肉会唔饱）男朋友话牛肉肉味浓，自deal一碟完全无问题。伊比利亚猪劲正，薄薄哋入口几爽，几有肉香。最surprise系白鳝，唔系冰鲜货，唔会「梅」，几鲜！然后麻辣火锅一定一定要落嘅鸭血都okay，烟烟韧韧。呢个茹原木上有得剪嚟食，系几好玩，味就一般菇啰。最后鲜鸡件不过不失啦。食到最后仲「赐酒」，其实系蜜桃沙冰，食到热辣辣急速降温，几正！