馬仔粉麵

营业中

休息中

嚟到九龙城，有朋友介绍马仔粉面打边炉，估唔到日头就系鱼蛋档，夜晚就系火锅谱。我朋友话呢度系方X记闹交分出嚟嘅，值得一试。一睇啲价钱，完全系平民边炉嘅价钱，有少少任叫唔嬲唔使就住叫嘅感觉。丸类就系基本，叫咗啲猪润，猪心，猪红，猪腰，鸡子，水鱿。仲有两碟牛肉。鹅肠，鲩鱼腩都系水准之作！当然，最出名嘅，都系佢哋嘅沙嗲汤底，味道好浓郁，唔系平时出边𠮶啲水汪汪𠮶只，系杰挞挞有花生粒𠮶只。唔会太咸，当加咗几次水左之后亦都可以叫事头婆加沙嗲。牛肉好靓，系高质牛肉，估唔到猪内脏嘅水准亦都好高，猪润一啲都唔苦，爽口。基本上算系平民价钱高质边炉，最尾来一个出前一丁沙嗲底完美结束！