麻布茶房 (已結業)

熊本霜降西冷牛扒有少少overcook，但考虑到麻布茶房并非扒房，所以尚算合格。牛扒质素唔错，有肉味有油香，加上成个套餐有饭有甜品，所有野加埋都系$148，可谓相当抵食。调味料方面，有双色海盐同肉汁，个人比较推荐配肉汁食。宇治金时雪糕软滑，抹茶味稍淡，配上红豆，味道配合得唔错。冰冻嘅雪糕配上暖暖嘅烧蕃薯，口感独特。安格斯西冷牛肉火锅火锅牛肉质素唔错，而且份量都唔少，相当抵食。配料方面，有龙虾丸、日本鱼蛋、冬茹、白菜。价钱同吉边差唔多，但食物质素高一个等级。杏子金时一样系软雪糕配上烧蕃薯，但配上桃汁同柑橘干，配搭几有趣。