老鍋台式火鍋 (已結業)

因为真系好钟意打边炉，连情人节都要跟男友打边炉！男友话不如试下打台式火锅，未试过一定要试下！汤底就拣了「美人锅」同「麻辣锅」；「麻辣锅」 配以多种香料及药材，加入鸭血及冻豆腐, 口味道地而不腻 ，而「美人锅」系女仕养颜至宝 ，因为有桃胶 (含丰富胶原蛋白)，原只乌鸡(滋阴、补虚劳)， 配以杞子、南枣及金华火腿，老火肴制汤底！两个汤底都好欣赏，因为「麻辣锅」好嘅香且辣，又唔会有一层油！「美人锅」好鲜，重乌鸡味，所有嘅精华都去哂个汤底到，打边炉好正！配菜叫了很多，但以下系特别推介！打边炉一定要食牛，点了这款「美国特级牛肋肉」，其实份量都几多，重牛味，脂肪同肉的比例岩岩好，唔会好似肥牛咁肥！「西班牙黑毛猪梅肉」，切得不太薄，食落有口感，有脂肪又不太漏，而且因为有小小脂肪，食落唔会好韧，正！饺类都几出色，叫了鱼皮饺、云吞！鱼皮饺唔会好似出面个啲食落食口油咁！云吞好新鲜，因为会见到佢个皮唔系雪冻黏住个啲！同埋最欣赏叫宽粉面，佢会俾个大笊篱，就咁卡住系锅边，好贴心，因为宽粉好滑好难装起！加上今日系情人节，餐厅特别送了白酒和卷成花形嘅牛肉，好窝心～