陳儀興玫瑰餐廳

营业中

休息中

近排A姐话自己肥咗，所以去咗新蒲岗学瑜伽（其实计我话小小肥先好揽架！吖，唔系，佢都无都肥过，都唔知减边忽），佢话做得咁辛苦，嚟到weekend，要俾自己放肆吓！所以等佢放学后，我哋就去咗新蒲岗嘅玫瑰餐厅陈仪兴，叹番个鸡煲奖励一吓自己！不过，为免佢前功尽废，所以今餐唔系叫咗好多嘢，估唔到有边炉瘾嘅A姐，今晚又咁忍得口。重庆辣鸡煲（半只）一上枱已经好够香，鸡件够晒入味！初初食唔觉得辣，但点之越食越辣，好过瘾呀！为免之后辣到变孖润肠，所以我同A姐拿拿临食晒落肚！整体嚟讲唔错，不过略嫌鸡件较少，唔似有半只鸡。松露墨鱼丸A姐就最钟意食松露，但松露遇上墨鱼丸，真系第一次。估唔到呢两样野会咁match又fresh，松露味好香浓又弹牙，一碟8粒，好彩A姐要减肥，食咗2粒，其他我食埋佢。安格斯牛肉安格斯牛肉份量唔少，我哋两个够晒食，牛味香浓，肥美度啱啱好。