傅記飯店

营业中

休息中

为左满足我以上梦想, 今日游过水, 7点钟同男朋友2人成团, 转2程车咁由tst去深井。去到都差唔多开波喇。首选都系傅记。因为其他食肆都有不少不愉快经验... 知傅记有波睇就更加唔驶谂~ 8点半2位。傅记有2边。一边食烧鹅小菜, 另一边食小菜客饭。2边都可以乱坐, 佢地会将食烧鹅果台铺上台布以作识别。同时, 食客饭果边的制服同事系唔会对你的要求作回应的。为左满足我大杯酒, 大块肉的奢侈心理, 2个人食左半只烧鹅, 草菇扒菜胆。亦因为冇鱼扣, 改叫了风沙白鳝再加多d特价十蚊carlsberg。是日烧鹅水准不错~ 皮脆得卜卜声, 少不免食到成下巴都系油。不过真系肥左d, 背部的肥油都成2mm厚! 不过食得烧鹅都预左油, 咬开d肥肉, 照食可也。草菇扒菜胆的草菇真系好食~ 劲甜而冇草菇的草青味~ 菜胆就略嫌佢切得求其, 切口下尚有连住的位, 搞到我食得lair咁hair! 又搞到成咀系! 不过整体而言食味不错。最后来的风沙鳝, 风沙中夹住小虾仔, 果然系近马湾! 个风沙比起好多地方正! 将鳝先沾上食鹅的梅酱, 再沾上风沙, 味道正得佢呢~ 不过要趁热食~ 呢度前菜碟酸菜千祈咪睇少! 好食架~