影片
更多
2019-05-05
2187 浏览
家人介绍下, 今晚黎呢度开餐. 因为呢度既卖点, 系可以边食饭, 边有鱼睇! 正正啱晒小朋友! 因为去之前已经订左台, 更要order "金鱼台", 哈哈.因为系刚搬舖, 所以我地都要揾揾路.同样地, 依家都系楼上舖, 店舖门面都好特式, 可见老板好有心思设计及装修.店舖门面:出面有张舖有老虎皮的椅子, 阿仔又惊又唔敢摸~门外已经有一大罁金鱼~入座后, 大家都被金鱼台所吸引住, 小朋友更加兴奋. 唔俾我地阻住佢睇金鱼, 哈哈!well, 的确系几得意既! 之后我地就点左以下食物:呢个鸡丝粉皮的皮比出面食的较粗身, 不过正因为粗, 所以食落更有口感, 混酱都造得好香滑.北京填鸭 半只卖相都几靓, 小朋友劲钟意食个皮, 因为甜甜的. 青瓜爽脆, 酱料又系甜甜的, 包埋块鸭肉黎食, 都是很可口. 平时都系块皮唔够包, 所以大家可以夹多两件肉包黎食, 丰富D, 唔洗咁悭~~京牌炒饭似系蛋白虾仁炒饭, 属隐阵之选~韭菜猪肉水饺(8粒)北京烧饼(3个)跟搾菜脯搾菜脯劲大碗, 只有三个烧饼, 其实夹唔晒, 所以记住塞多D馅入去, 菜脯其实好好味, 不过如果空口食就会好咸.烧饼做得好薄, 上面舖满芝麻
因为去之前已经订左台, 更要order "金鱼台", 哈哈.
因为系刚搬舖, 所以我地都要揾揾路.
同样地, 依家都系楼上舖, 店舖门面都好特式, 可见老板好有心思设计及装修.
店舖门面:
出面有张舖有老虎皮的椅子, 阿仔又惊又唔敢摸~
门外已经有一大罁金鱼~
入座后, 大家都被金鱼台所吸引住, 小朋友更加兴奋. 唔俾我地阻住佢睇金鱼, 哈哈!
well, 的确系几得意既!
之后我地就点左以下食物:
呢个鸡丝粉皮的皮比出面食的较粗身, 不过正因为粗, 所以食落更有口感, 混酱都造得好香滑.
北京填鸭 半只
卖相都几靓, 小朋友劲钟意食个皮, 因为甜甜的. 青瓜爽脆, 酱料又系甜甜的, 包埋块鸭肉黎食, 都是很可口. 平时都系块皮唔够包, 所以大家可以夹多两件肉包黎食, 丰富D, 唔洗咁悭~~
京牌炒饭
似系蛋白虾仁炒饭, 属隐阵之选~
韭菜猪肉水饺(8粒)
北京烧饼(3个)跟搾菜脯
搾菜脯劲大碗, 只有三个烧饼, 其实夹唔晒, 所以记住塞多D馅入去, 菜脯其实好好味, 不过如果空口食就会好咸.
烧饼做得好薄, 上面舖满芝麻.
酸辣汤面
味道偏淡, 辣度就适中, 用上上海粗面, 所以很有咬口.
京烧排骨架
好好味, 因为炆到D肉离晒骨, 而且好入味, 酸甜味道适中, 好醒胃.
上汤豆苖
一个清清地既蔬菜, 入面都有好多菇菌添!
食物质素都颇高, 而且价钱相宜, 仲有睇金鱼卖点, 加上又新装修舖头. 都几值得推介.
张贴
