Neway Karaoke Box (已結業)

自从出嚟做嘢之后，已经冇乜时间约班friend去唱K。读中学嘅时候，考完试早放就会约朋友一齐去唱K，以前唱lunch K好平呀。后来读大学，大家re-u又系会一齐去唱K，仲可以识到新朋友真系玩得好开心架，所以几时都话唱K系我哋嘅集体回忆。难得放假，约咗一班旧同事去唱K buffet$282 一位大约，仲有两杯饮品。Neway自助餐啲食物真系唔会有期望。选择其实唔少㖞，有鸡翼、猪扒、蒸鱼、炒饭、汤，最唔少得嘅就系菜，都有好几款选择，咁见到咁多选择梗系开心啦。仲有唔同口味嘅雪糕糯米糍同埋雪条。仲有公仔面，甜品，鱼生呀等等。味道就不可恭维，首先讲下啲嘢食调味调得唔系几好，普遍来讲偏咸，最后其实我净系食咗几碟菜。醉翁之意不在酒，食物其次，唱K先至系重点，最后都唱得几开心，有机会再黎回忆一下。