加東叻沙蝦麵 (已搬遷) 新店位置

记得上上年仲系学生既时候，有幸参加学校的「新加坡交流团」，同几位知己同学仔join佐学校个交流团去佐一转新加坡。咁大个女，第一次离开屋企，都唔知系「解放」定系「磨练」。新加坡系一个好多美食既地方，叻沙、串烧、拉茶……仲好记得每一日都系吃吃吃同吃。系咁多样美食中，最得我钟意既就一定系「叻沙」，因为佢浓厚既椰香味，吸引到小妹一日三餐都要系佢。返到黎香港，一直都系好想念呢一只味道，但系都一直揾唔返呢一只味道。最新要系湾仔做野，系同事既介绍之下知道佐「加东叻沙。虾面」。呢度主打既都系新加坡食物，当然小妹一坐底，二话不说就点佐个「鸡丝叻沙」(hk$50)。唔单之食物既种类同新加坡一样，就连饮品都系要单价买。系湾仔返工真系唔容易呀，咁就只好要杯水啦。唔使15分钟，我要既鸡丝叻沙已经上台了。一上台，就已经有一阵劲香浓既「叻沙」味传入我既鼻。我选择佐米粉，因为我觉得幼小既米粉系最可以吸收所有叻沙既味道。一口米粉，一口叻沙，真系好似划火柴既小女孩咁，见到一幕幕自己系新加坡生活既情况。的确，加东叻沙卖既面都系重口味既，吃完即刻去佐7-11买佐一大支可乐，先可以cover返个叻沙重口味。