影片
更多
2023-10-09
571 浏览
以前读书嘅时候，每年盛夏都会入西贡行山、游水、滑浪、晒太阳，绝对系唔少人嘅青春回忆。但讲起西贡，除咗系郊游嘅热门胜地之外，仲系食海鲜嘅天堂呀！唔少游客去西贡食海鲜都会去西贡市中心，但作为本地人通常都会去布袋澳，因为价钱相对实惠！今次我哋嚟到海鲜岛墨鱼刺身专门店，海鲜选择又多又新鲜，店员仲细心推荐本日最靓嘅海鲜同煮法，包保食到最鲜最甜嘅海鲜啦！花雕蛋白蒸刀背呢个花雕蛋白蒸刀背真系大大力推荐！刀背新鲜大只又厚肉，所以只需简单加入花雕同蛋白，就可以将刀背嘅鲜味带晒出嚟，味道大大提升！蒜蓉粉丝蒸扇贝成只手掌咁大只嘅扇贝鲜甜又爽口！但每次食蒜蓉粉丝蒸扇贝，主角都会被配角抢风头，粉丝索晒扇贝嘅鲜甜味同蒜蓉香味，真系回味无穷。豉椒炒蛏子王一上枱就已经被香浓嘅豉椒味深深吸引住！蛏子王超大只，肉身紥实厚身，洗得超干净完全无沙，加上豉椒嘅点缀，非常香浓惹味！墨鱼两食：刺身新鲜嘅海鲜做刺身就梗系一流啦！墨鱼刺身嘅厚薄度啱啱好，相信系传说中嘅黄金比例2mm，哈哈！口感爽口又唔会过韧，够晒弹牙鲜甜！墨鱼两食：椒盐墨鱼须墨鱼身整成刺身，咁墨鱼须就用椒盐食法啦！椒盐墨鱼须即叫即炸，炸皮够薄，非常香口，加上椒盐嘅调味
花雕蛋白蒸刀背
呢个花雕蛋白蒸刀背真系大大力推荐！刀背新鲜大只又厚肉，所以只需简单加入花雕同蛋白，就可以将刀背嘅鲜味带晒出嚟，味道大大提升！
蒜蓉粉丝蒸扇贝
成只手掌咁大只嘅扇贝鲜甜又爽口！但每次食蒜蓉粉丝蒸扇贝，主角都会被配角抢风头，粉丝索晒扇贝嘅鲜甜味同蒜蓉香味，真系回味无穷。
豉椒炒蛏子王
一上枱就已经被香浓嘅豉椒味深深吸引住！蛏子王超大只，肉身紥实厚身，洗得超干净完全无沙，加上豉椒嘅点缀，非常香浓惹味！
墨鱼两食：刺身
新鲜嘅海鲜做刺身就梗系一流啦！墨鱼刺身嘅厚薄度啱啱好，相信系传说中嘅黄金比例2mm，哈哈！口感爽口又唔会过韧，够晒弹牙鲜甜！
墨鱼两食：椒盐墨鱼须
墨鱼身整成刺身，咁墨鱼须就用椒盐食法啦！椒盐墨鱼须即叫即炸，炸皮够薄，非常香口，加上椒盐嘅调味，真系食唔停口。
张贴
