影片
更多
2020-11-05
459 浏览
「老厝边」呢三只字原来系台语，系「老邻居」咁解。中间个「厝」字普通话系读「cuo第四声」，真系长知识了👍🏻！餐厅环境干净介理。店内嘅摆设同装横都充满台式风味。疫情关系去唔到旅行，黎呢度解下乡愁先啦。饭和面各点了一样，分别是香酥炸排骨便当同埋眷村红烧牛肉面。「香酥炸排骨便当」一上枱——Wow！块炸排骨超大块，有成只碟咁大呀！重大过你同我块脸！超抵食！炸排骨薄切，炸过好香但唔油。配菜冻上，有芹菜、金菇同埋红萝卜丝。红萝卜丝爽脆。另外重有椰菜花同鸡髀菇。椰菜花唔会太腍，爽得黎唔会硬，扎得啱啱好。鸡髀菇切成厚粒，有好多粒，质地挺实，juicy又鲜甜。饭有汁，个汁辣辣地。塘心蛋蛋黄呈半熟状，甜甜地。「眷村红烧牛肉面」汤底有浓郁嘅牛肉味。牛肉肉味够浓，肉质腍身，唔使点咬。面烟韧弹牙有咬口。萝卜吸收左汤底嘅精华，爽甜冇渣。「超浓芋泥蛋饼」自从上次第一次去完台湾食蛋饼之后，我就一直对那种味道念念不忘。香港冇乜台式餐厅有蛋饼食，知道呢度有得食蛋饼就好想试！今次试左呢度嘅超牌蛋饼——超浓芋泥蛋饼，做法同台湾嘅差不多，好开心终于可以喺香港食番喺台湾食到嘅味道啦！🥰超浓芋泥蛋饼原来唔止得芋头架，重有芝士同肉松
餐厅环境干净介理。店内嘅摆设同装横都充满台式风味。疫情关系去唔到旅行，黎呢度解下乡愁先啦。
饭和面各点了一样，分别是香酥炸排骨便当同埋眷村红烧牛肉面。
「香酥炸排骨便当」
一上枱——Wow！块炸排骨超大块，有成只碟咁大呀！重大过你同我块脸！超抵食！炸排骨薄切，炸过好香但唔油。
配菜冻上，有芹菜、金菇同埋红萝卜丝。红萝卜丝爽脆。另外重有椰菜花同鸡髀菇。椰菜花唔会太腍，爽得黎唔会硬，扎得啱啱好。鸡髀菇切成厚粒，有好多粒，质地挺实，juicy又鲜甜。饭有汁，个汁辣辣地。塘心蛋蛋黄呈半熟状，甜甜地。
「眷村红烧牛肉面」
汤底有浓郁嘅牛肉味。牛肉肉味够浓，肉质腍身，唔使点咬。面烟韧弹牙有咬口。萝卜吸收左汤底嘅精华，爽甜冇渣。
「超浓芋泥蛋饼」
自从上次第一次去完台湾食蛋饼之后，我就一直对那种味道念念不忘。香港冇乜台式餐厅有蛋饼食，知道呢度有得食蛋饼就好想试！今次试左呢度嘅超牌蛋饼——超浓芋泥蛋饼，做法同台湾嘅差不多，好开心终于可以喺香港食番喺台湾食到嘅味道啦！🥰超浓芋泥蛋饼原来唔止得芋头架，重有芝士同肉松！芝士咸、芋泥同埋肉松甜，咸同甜互相平衡，本身惊芋泥会太甜，但有芝士嘅咸味中和就唔会太甜，重食到芋头嘅香。三种食材嘅味道出奇地夹，简直系完美融合！肉松有少少脆，为蛋饼添上口感。蛋饼外层细看原来系由蛋和面粉制嘅皮整成，好薄身，口感烟韧。
超浓芋泥蛋饼
5 浏览
0 赞好
0 留言
超浓芋泥蛋饼
4 浏览
0 赞好
0 留言
超浓芋泥蛋饼
4 浏览
0 赞好
0 留言
一谂起台湾野饮就谂起珍珠奶茶，所以今次黎到一定要嗌！点左冻嘅「经典珍珠奶茶」。珍珠好多，腍得黎烟韧弹牙。奶茶唔会甜得滞盖过茶味，有茶香。冻珍珠奶茶无落到冰，唔会被融化嘅冰冲淡奶茶嘅味。
朋友就点左蜂蜜乌龙茶。好奇想试下味嘅我就饮左几啖。蜂蜜同乌龙茶嘅比例啱啱好，唔会甜得滞盖过茶嘅味道。入口先尝到蜂蜜嘅甜味，饮完后就试到茶嘅回甘。
餐厅嘅宗旨系「那简单却又幸福的味道」，是次惠顾后，我想告诉店主，你做到了👍🏻！
张贴
