富臨皇宮 (已結業)

今日妈咪生日，上水既酒楼都试过哂，唯独呢间对我地黎讲唔就脚有点远，但其他太难食就决定黎呢间试下。地方比想像中大，六点黎到我地系第一枱客，见到d价钱有好多都几抵食，快快手简两个套餐两个菜两个甜品。🥢脆皮烧鸡+海星斑set $338呢个set好抵食，条鱼已值回票价，海星斑蒸得刚熟，又滑又鲜甜，抵赞。烧鸡都唔弱，外皮够哂脆。🥢姜葱肉蟹1只+海皇冬瓜盅set $198冬瓜盅份量对我地5人黎讲有点多，每人平均2-3碗，料足够哂饱。蟹肉细细地，但好鲜甜。🥢黑椒顶级牛仔骨 $88呢度叫小菜无想像中贵，牛仔骨份量多，肉够淋，薯仔好绵尤其好食。🥢金银蛋浸苋菜 $68菜煮得过淋，但胜在份量多，味道好。🥄淮山南瓜露 $12.8呢度甜品相当抵食，南瓜露好滑但偏甜。🥄大良双皮奶 $12.8呢个真心推荐，新鲜蒸好，又平又滑甜度刚好，阿妈大赞。呢度有免费泊车2hrs，而服务相对其他酒楼好好多，有礼貌之余仲同我妈讲生日快乐添。食物方面整体满意，预期水准之上，但上水酒楼多，呢度位置较偏远，所以人流相对较少，但论食物质素值得下次再黎食过。