瑞士餐廳 (已結業)

星期四晚同老公去天后瑞士餐厅食晚饭，我地两个第一次一齐品尝瑞士芝士火锅。餐厅会送上餐前小食: 柠檬气泡，好似食紧柠檬味既雪葩，酸酸地，又系冻既，好特别。南瓜忌廉汤忌廉味好浓，唔会好稠身，好饮又唔腻。凯撒沙律配烟三文鱼沙律酱捞得好均匀，而且新鲜爽脆，烟三文鱼肥美，连车厘茄都超甜。瑞士芝士火锅配有一篮面包粒，等佢预热完毕就可以蘸黎食。芝士咸咸地，酒味浓郁，好正宗既口味。德国咸猪手外皮卜卜脆，好似烧乳猪个种，肉质嫩滑，咸度又适中，系食过最好食既咸猪手。饮品叫左热Mocha同冻Swiss Chocolate。Mocha香浓幼滑。瑞士朱古力甜甜地好饮，有少少华田既味道。