影片
更多
2016-07-24
839 浏览
食开日式放题始终会觉得开始有啲闷，刺身、寿司、天妇罗已经食到厌晒，同D FD都想转转新口味，之后有人揾到依间日式串烧放题－火山烧，估唔到人气都几爆旺，我地又跌入另一个新坑喇～餐厅占据两层，包括系9楼同10楼，而我同fd就去左10楼食，四人枱为一个炉，因为食物任点，所以枱既位置都比较多，坐上去都几松动。时间尚早，当然早有早食，除左有炉既位外，有得拣由餐厅烧好上菜，不过我地都比较想亲力亲为~闻如其名，烧烤炉为火山石炉，中间位置好热，主要烧肉串同蔬菜，而冇金属架果个位就可以放壳类海鲜，例如生蚝、青口、蚬等等，而另一边冇火山石既就主要作保温。任嗌任烧，不过都系量力而为，唔好浪费食物，而我地嗌得都几平均，谂住乜都食啲。串烧紧系唔少得，但如果想食啲特别既海鲜，就要另外加钱，而落单纸上既都系一律任嗌。食串烧就紧系要搽啲酱汁去调味，包括有蜜糖、烧汁同豆瓣酱。饮品以健康工房做主打，食左咁多热气同油腻野都要饮番枝解下热，依个配搭得唔错。海鲜粉丝火锅，同关东煮其实有几分相似，成个锅望落去都好丰富，包括有青口、带子、蚬、萝卜、蟹柳、鱿鱼、粉丝、生菜等等，鲜味又够香，海鲜煮得好入味，带子系一大惊喜，肉质弹又大粒
刺身、寿司、天妇罗已经食到厌晒，同D FD都想转转新口味，
之后有人揾到依间日式串烧放题－火山烧，
估唔到人气都几爆旺，我地又跌入另一个新坑喇～
餐厅占据两层，包括系9楼同10楼，而我同fd就去左10楼食，四人枱为一个炉，因为食物任点，所以枱既位置都比较多，坐上去都几松动。
时间尚早，当然早有早食，除左有炉既位外，有得拣由餐厅烧好上菜，不过我地都比较想亲力亲为~
闻如其名，烧烤炉为火山石炉，中间位置好热，主要烧肉串同蔬菜，而冇金属架果个位就可以放壳类海鲜，例如生蚝、青口、蚬等等，而另一边冇火山石既就主要作保温。
任嗌任烧，不过都系量力而为，唔好浪费食物，而我地嗌得都几平均，谂住乜都食啲。串烧紧系唔少得，但如果想食啲特别既海鲜，就要另外加钱，而落单纸上既都系一律任嗌。
食串烧就紧系要搽啲酱汁去调味，包括有蜜糖、烧汁同豆瓣酱。
饮品以健康工房做主打，食左咁多热气同油腻野都要饮番枝解下热，依个配搭得唔错。
海鲜粉丝火锅
16 浏览
0 赞好
0 留言
海鲜粉丝火锅
15 浏览
0 赞好
0 留言
包括有青口、带子、蚬、萝卜、蟹柳、鱿鱼、粉丝、生菜等等，鲜味又够香，
海鲜煮得好入味，带子系一大惊喜，肉质弹又大粒，味道鲜甜可口，
而蚬肉则有啲细粒，唔太食得出，而其他都唔错！
然后就到串烧方面，当然系一边烧一边食个粉丝火锅，嗌左都颇多野食，金菇肥牛、牛柳粒、鸡肉、鸡翼、鸡软骨、鸡肾等等...想食既都应有尽有，
一烧过口瘾，鸡翼果啲会烧得比较耐，可以预先烧左先。
烧肉当然落烧汁比较夹，金菇肥牛加上烧汁，食上去劲juicy，虽然肥牛脂肪位比较多，但就系因为佢既脂肪而令个味好味好惹味。鸡软骨，咬落去比较硬身，可能烧得太耐，味道还好。鸡翼当然要落蜜糖，香脆得黎又惹味。牛柳粒极度推介嗌多几串，因为实在太好味，牛味相当浓。
另外，仲有福袋、玉子、肠、芝士年糕、豆腐等等，食落唔会太油腻之余都几好食。
福袋会有少少干，而内里包含左少少粉丝，木耳等等，豆腐好香软幼滑，食落去弹口，味道唔错～青口食上去几鲜，不过会干d~
我地介嗌左一只烧春鸡！黎到既时候唔升太热，我地放左系石炉上加热，而鸡肉既质地会有啲硬，比较难咬，不过佢充满香草芳香，食上去几惹味。
仲有就系烧肉，鸡、牛、羊、猪都有齐，我地都唔客气喇～
豚肉同牛肉最好食，记得落啲烧汁，食落仲更入味香口。
黎到尾声，大家就改烧蔬菜类，中和番岩先果啲热气野xd翠瓜爽口又多汁，玉子烧蛋香味重，食落嫩滑。
大家过瘾后，每人围番大约$350一位，价钱黎讲算中等，可以食到好多日式串烧，
不过烧既时候都要留意番用餐时间，以免烧得太耐食剩野，食物质素以放题黎讲都算中上，
好唔好食，就睇下大家烧得岩唔岩自己胃口喇xdd
张贴
