Cookie DPT (已結業)

自己系cookies爱好者，呢日行过海港城，目光一直被佢地嘅巨型曲奇吸引住！记得有好多款可以拣，今次拣咗3块分别系经典朱古力味、brownies，花生酱味！店员畀我嘅时候，我真系有畀佢嘅重量吓亲，相当重手！虽然一块差唔多$40，感觉有啲贵，但份量真系俾足你！我一个人几乎用咗5日，分开食先食得晒3块！经典朱古力曲奇～超钟意食朱古力嘅我，呢块曲奇真系好满意好满足，对住超香嘅牛油同朱古力味，真系完全无抵抗力！厚身得黎，中间带少少烟韧！布朗尼夹心曲奇～呢个都系必食，中间夹心夹住成旧brownie，超邪恶之选，呢个口感偏似蛋糕！花生酱曲奇～呢个反而有少少失望，花生酱味又唔算真系好香！