Sixer Burger (已結業)

放假系荃湾行完街想揾野食，见呢间餐厅装修几靓，环境几舒服就入去试下。一坐低店员就黎介绍有咩食，话岩岩转左新菜单，新增左几个汉堡，睇落都几吸引，就叫左个龙虾牛肉汉堡，同埋烤鸡拼薯条。叫汉堡同热狗可以加钱有齐薯条同饮品，不过我地叫左炸鸡薯条就唔转啦。另外叫左杯啤酒同可乐。等左十分钟就有野食，汉堡超吸引！ 以为系得几旧龙虾肉，点知系成只上，加埋牛肉汉堡扒，份量好大，可以同朋友一齐食！ 讲返个包先，最抵赞系个包好脆，夹埋龙虾一齐食好满足。不过如果下次再食，就会分开叫牛肉汉堡同龙虾，因为两样野个味都好鲜，一齐食反而会抢左，所以我地都系分开黎食。炸鸡薯条有两件大鸡，炸完仲好多肉汁，鸡肉超嫩，外皮好脆，劲邪恶啊！