熨烤達人 (已結業)

韩式烧烤料理店「熨烤达人」好耐无食韩烧了，今日因为多朋友一齐聚旧，由钻石山站行去荷里活广场5分钟就到餐厅，我地6点入场，平日呢个钟数岩岩好唔多人，到7、8点时，人流开始多，好彩早到，唔洗等。因为限聚关系，店员安排两张大枱，等我地可以唔洗分隔咁远倾计，又问我地有咩需要随时可揾佢，服务态度细心。环境干净，装修好韩式风格，一入门口有好大只3D公仔，够晒型好壮观，入面播住韩星歌，令我朋友十分欢喜，一路食一路听，好陶醉，而每个炉都有一个抽油烟机，油烟都吸得好好，唔怕油烟味重。前菜有韩国菜必备的泡菜、芽菜同萝卜。（本身唔系好食得辣，但泡菜对我黎讲超好食，酸酸甜甜好开胃，连我都食到。）草莓乳酸梳打好惊喜，颜色吸引，大杯，好够饮士多啤梨Cinder Special配韩烧一流，仲配多支好似七喜比你唔够加落去，份量超大（可以饮到正常杯Size x3杯）（发现饮晒再加味道仲正，配韩烧一流）砖头五花腩（好烟韧、份量好厚实）一口雪花牛粒（细细粒，咬落好盏鬼，咬落去肉汁就出晒黎，肉汁饱满）调味猪皮（以为好难咬，但食落有惊喜，烟韧得黎好柔软，超推荐！）特级雪花牛（肉嫩好香牛味，口态一流，推荐！）芝士飞碟呢个我超钟意