豐鍋雞煲 (荔枝角道) (已結業)

好耐冇同哥哥食饭，今日放早去深水埗接佢收工，顺便撑下枱脚，食个鸡煲麻甩一番。食材选择众多，特别系牛嘅选择，除咗一般嘅雪花肥牛、安格斯牛同牛柳粒，仲有手切牛颈脊、牛花𦟌同牛胸爽呢啲比较少见嘅部位，牛魔王千祈唔好错过！另外有好多自家制食材，例如手工丸、韭菜饺、麻辣云吞同即炸响铃，睇得出好有心机👍🏻前菜有酸萝卜，相当开胃。麻辣鸡煲同椰子鸡煲同样吸引，最后我哋叫咗麻辣鸡煲半只(小辣)，一上枱已经香喷喷，面头仲有大量芫茜。侍应会即场翻炒鸡煲，香气四溢，大概炒三次之后就可以开餐。酱汁香浓，带有淡淡嘅面豉酱味，既香又麻，相当惹味👍🏻鸡肉有弹性，肥瘦适中，酱汁亦入味👌🏼牛柳粒份量虽然唔算多，但胜在肉味浓郁，油脂丰富😉响铃系即叫即炸，上枱嘅时候仲「吱吱」声，新鲜滚热辣，好有效果😃用筷子一夹已经感觉到有几松脆，放落汤底浸三至四秒就食得，外皮微软而且索哂汤底嘅味道，内里仍然香脆，点睛之笔系第一二层中间包住嘅芝士，浸落热汤后刚好溶化，香浓嘅芝士味加上麻辣汤底竟然毫无违和感😃油麦菜鲜嫩翠绿，落汤后冇咁容易老，个人认为比生菜更适合用嚟打边炉。打边炉又点少得冻饮，水蜜桃梳打清爽解辣，而乌梅汁就酸酸甜甜，非常开胃消滞