影片
更多
2024-06-27
209 浏览
每日番工最期待就系lunch同埋dinner，今日收工就捉埋我身边人一齐食2人岩浆沙嗲温体牛肉火锅🤤一入到去已经比佢哋个布置吸引咗，门口望入去大大个logo，餐厅周围都放咗好多bearbrick。佢哋系用木系嘅台橙，啲位都摆得阔落，又唔会坐得好迫🥰作为牛肉fans，我真系好兴奋呀，因为呢度我可以试到唔同嘅牛：牛菲力、封门柳、牛颈脊。除咗有牛肉，仲有份量十足嘅菜（金菇、娃娃菜、生菜）、燕饺、蛋饺、同埋花枝丸同贡丸。另外，我哋点咗个乌冬同埋大光面。个沙嗲汤真系好浓郁，唔使另外加酱啲牛都入晒味。我最钟意食佢牛颈脊，真系好腍。燕饺同蛋饺啲皮都好薄，入边啲馅朔埋啲沙嗲汁，正呀！食咗咁多肉，渌下几棵菜清清个胃先，个份量都好够，两个人食都唔使争。再煮埋个大光面先，个面沾满晒沙嗲汁。我有个私人食谱分享：去调味区加少少辣油同埋蒜，再夹埋啲远上嚟，会令你有当年中学时期食捞面嘅感觉啊！食咗咁多嘢，有少少口渴，我哋嗌咗茉莉毛尖。听个名系咪估唔到系咩呢？佢都系茶叶嘅一种，不过比起普通茶嘅味道更加浓，亦都相对涩啲，但系我本身就钟意浓味茶，所以我觉得几好饮。如果食食吓觉得唔系好够食，可以加$33，升级做任食牛肉。呢
一入到去已经比佢哋个布置吸引咗，门口望入去大大个logo，餐厅周围都放咗好多bearbrick。佢哋系用木系嘅台橙，啲位都摆得阔落，又唔会坐得好迫🥰
作为牛肉fans，我真系好兴奋呀，因为呢度我可以试到唔同嘅牛：牛菲力、封门柳、牛颈脊。除咗有牛肉，仲有份量十足嘅菜（金菇、娃娃菜、生菜）、燕饺、蛋饺、同埋花枝丸同贡丸。另外，我哋点咗个乌冬同埋大光面。
个沙嗲汤真系好浓郁，唔使另外加酱啲牛都入晒味。我最钟意食佢牛颈脊，真系好腍。燕饺同蛋饺啲皮都好薄，入边啲馅朔埋啲沙嗲汁，正呀！食咗咁多肉，渌下几棵菜清清个胃先，个份量都好够，两个人食都唔使争。
再煮埋个大光面先，个面沾满晒沙嗲汁。我有个私人食谱分享：去调味区加少少辣油同埋蒜，再夹埋啲远上嚟，会令你有当年中学时期食捞面嘅感觉啊！
食咗咁多嘢，有少少口渴，我哋嗌咗茉莉毛尖。听个名系咪估唔到系咩呢？佢都系茶叶嘅一种，不过比起普通茶嘅味道更加浓，亦都相对涩啲，但系我本身就钟意浓味茶，所以我觉得几好饮。
如果食食吓觉得唔系好够食，可以加$33，升级做任食牛肉。
呢个餐真系好抵食，$368就有个二人餐。
但系而家只要过咗20:30，就有更优惠价格：
$288就享用到二人岩浆沙嗲温体牛肉火锅
（同样地，加$33就可以任食啲牛），仲可以试埋个本地大光面
（认真，可以参考吓我嘅煮法）
@3gong_hk
餐厅：三公台湾料理
地址：旺角西洋菜南街2T号添置商业中心1楼
张贴
