Boomshack (已結業)

等咗好耐，终于有机会嚟试！呢度嘅食物卖相都比较邪恶但系又令人难以抗拒 最邪恶嘅就系呢个Chicken Waffle(HK$88)，waffle入面有成块炸鸡同芝士！炸鸡嘅外皮几香脆而入面嘅鸡肉仲保留左肉汁且肉质嫩滑 ，如果再多啲芝士就好啦。不过窝夫就有啲太软，个人钟意脆嘅口感多啲。佢个样好似普通薯条咁，但其实佢系Beet Fries(HK$58)炸红菜头条。红菜头条清甜，即使炸左都唔会好油腻，点埋有唐辛子嘅蛋黄酱，滋味到系咁食 。系burger同taco之间struggle咗好耐，最尾拣咗Kung Fu Fish Taco (HK$88)。本身对佢唔系特别大期望，但结果佢喺我系成餐入面最中意嘅，有啲惊喜 。炸咗嘅鱼柳依然嫩滑，好钟意佢酸酸甜甜嘅橙味酱汁加上芒果同埋牛油果，感觉好refreshing 。为咗beet fries同埋试埋burger，会揾时间再嚟食!