茶屋町 (長沙灣道) (已結業)

上星期六朋友推荐食，当时去到发现系一间简单城市小店嘅格局，睇餐牌发现都有好多种日本丼饭，拣咗个必食之选嘅芝士唐扬鸡丼饭同一杯雪糕牛奶抹茶。整体嘅餐厅环境系舒服唔算太局促，当亲眼见到个饭，同菜单上个样几乎一样，我好惊讶，竟然唔系图片只供参考😳，我开始食嘅时候觉得炸鸡配芝士，味道上系无敌，好难会唔好食，如果你系好肚饿去食呢个饭，会有一种上天堂嘅感觉。我本身食量唔算太大，所以我食咗一半已经觉得好腻，感觉由天堂一步一步行落去地狱，呢碗饭炸鸡，芝士同饭嘅份量系唔够平衡，我第一次食饭食到有一种感觉系，如果啲饭多啲就好啦😮‍💨，芝士同炸鸡嘅份量仲多过啲饭，呢碗饭仲加咗饭素，呢碗丼饭系一定好食，只系分量上可以平衡得好啲😋雪糕牛奶抹茶上，抹茶同牛奶嘅份量系控制得几好，抹茶嘅甘甜同牛奶嘅奶香配搭得啱啱好。