影片
更多
2023-07-25
90 浏览
《串烧堂(西环)》上个礼拜有个老死请左我食饭，今日我又请返佢食啲邪恶野，系坚尼地城做完野睇地图附近有咩好食，见到呢间串烧铺觉得唔错就去食佢啦！佢店面坐到大约20人左右，设计简单，见到隔离枱有6个学生哥食紧，我地见佢地点嘅野食望落都唔错，一于参考佢地。由于我地两个都好肚饿，所以试左好多唔同款式！烧鸡软骨鸡肾(各三串)鸡软骨同肾都系我嘅喜爱，鸡软骨烧得刚刚好，有油香得嚟无左果种油腻感，鸡肾都系烧烤必点，爽口得嚟无好似橡筋咁咬唔烂。烧蒙古羊肉串﹑烧纽西兰羊架羊肉加左香料粉无羊骚味，口感细致，我觉得本身唔食羊嘅朋友仔都可以一试，好似食紧高级牛柳咁。烧韭菜﹑蒜蓉烧大茄子虽然佢地系蔬菜，但加左小辣嘅香料粉之后都系十分邪恶，店主无烧到佢干哂，食落系有juicy，如果唔系仲有咁多野食，呢个韭菜同茄子系可以再encore！烧猪仔脾﹑酱烧五花腩猪颈肉店家好细心，猪仔脾本身比较大只，好易烧到出面干哂入面未熟，同埋件上的话食落都比较论尽。事先剪开左再处理令到成件猪脾都好入面，内外都系煮得刚刚好无太干同唔熟。另外两款猪串烧都系外面烧到有少少焦咬落系满满嘅油香，口感爽滑一啲都唔鞋身。五花肉肥瘦相间，都系属于可以再
上个礼拜有个老死请左我食饭，今日我又请返佢食啲邪恶野，系坚尼地城做完野睇地图附近有咩好食，见到呢间串烧铺觉得唔错就去食佢啦！佢店面坐到大约20人左右，设计简单，见到隔离枱有6个学生哥食紧，我地见佢地点嘅野食望落都唔错，一于参考佢地。由于我地两个都好肚饿，所以试左好多唔同款式！
烧鸡软骨鸡肾(各三串)
鸡软骨同肾都系我嘅喜爱，鸡软骨烧得刚刚好，有油香得嚟无左果种油腻感，鸡肾都系烧烤必点，爽口得嚟无好似橡筋咁咬唔烂。
烧蒙古羊肉串﹑烧纽西兰羊架
羊肉加左香料粉无羊骚味，口感细致，我觉得本身唔食羊嘅朋友仔都可以一试，好似食紧高级牛柳咁。
烧韭菜﹑蒜蓉烧大茄子
虽然佢地系蔬菜，但加左小辣嘅香料粉之后都系十分邪恶，店主无烧到佢干哂，食落系有juicy，如果唔系仲有咁多野食，呢个韭菜同茄子系可以再encore！
烧猪仔脾﹑酱烧五花腩猪颈肉
店家好细心，猪仔脾本身比较大只，好易烧到出面干哂入面未熟，同埋件上的话食落都比较论尽。事先剪开左再处理令到成件猪脾都好入面，内外都系煮得刚刚好无太干同唔熟。另外两款猪串烧都系外面烧到有少少焦咬落系满满嘅油香，口感爽滑一啲都唔鞋身。五花肉肥瘦相间，都系属于可以再encore系列。
鸡肉棒串
呢个就系比较传统系居酒屋成日都会食到嘅免治鸡肉串，如果有埋鸡软骨系入面嘅话会再升华多一个层次令到口感再丰富啲。
锡纸烧花甲
烧烤店除左串烧之外呢个都算系必点之一，个花甲一送到上枱就已经系有一阵好浓烈嘅蒜同葱香味涌入个鼻度。花甲无一只系得壳无肉之余全部都无沙，如果个底再加多少少粉丝一啖花甲一啖蒜再一啖粉丝就真系perfect！
黑松露芝士捞丁
呢个简直系邪恶之首，个出前一丁上面铺满浓浓嘅芝士，轻轻烧一烧令到芝士系溶同未溶之间，再加埋黑松露酱，即使用完个面之后松露嘅味道系维持左成餐饭都无散。
食物质素 ⭐️⭐️⭐️⭐️⭐️/5
用餐体验 ⭐️⭐️⭐️/5
性价比 ⭐️⭐️⭐️/5
如果你都想试下呢间出色嘅串烧店，记得bookmark定呢间餐厅，约埋三五知己一齐嚟试下👨👨👧👦
地址: 西环坚尼地城荷兰街1A-1G号太康大厦地下D号舖
#barbecue #grill #spicy #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram
1 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
1 浏览
0 赞好
0 留言
1 浏览
0 赞好
0 留言
3 浏览
0 赞好
0 留言
1 浏览
0 赞好
0 留言
张贴
