SupBurwich (已結業)

SupBurwich，顾名思义又有热狗🌭️ 又有汉堡🍔 仲有三文治🥪添！实有一款啱你口味🤣 我同朋友都系burger迷，嚟到当然就系食汉堡！松露蘑菇芝士手打牛堡嚟到我系有少少吓亲，居然俾咁多松露酱我😍🙌🏻 外皮煎到黄金焦香，口感少脆带牛油味🤤 牛肉juicy爆汁，口感松软唔死实👍🏻 炒蘑菇都好出色，火喉控制得好好，菇味香浓，配上松露酱令味道升华😋 整体味道丰富，配料均匀层次分明，食落一啲都唔油腻👏🏻👏🏻朋友嘅芝士手打牛堡同样滋味，外皮松化有弹性🥯 芝士靠手打牛嘅余温热溶咗，有咩邪恶得过咬落热辣辣仲会拉丝嘅牛肉？！🙌🏻 个牛肉真系超惊喜，煎到表面焦脆，啱啱好锁住肉汁👌🏻💦 实在太好食😭❤️