梨滿園韓國料理 (已結業)

今日同朋友喺附近行完街就上嚟食呢间韩国餐厅 我之前睇post见到做紧一个任食拉丝芝士鸡套餐包括埋寿司蛋卷同埋紫菜饭卷 点知又见到有炸鸡套餐一坐低店员就会攞几款韩式小菜畀你拣 食住睇餐牌期间先叫咗一个海鲜煎饼之后就慢慢谂究竟要食芝士鸡定系食炸鸡 最后就决定食芝士鸡好似冇咁邪恶煎饼都几正宗㖞 好味道 唔会好似出面𠮶啲面粉咁硬身实的的 佢呢个薄饼煎出嚟系比较松脆 我觉得煎饼材料间间都会差唔多但系佢呢度咁松脆就显示出佢嘅粉浆调校比例好好之后芝士鸡用个铁板送上 热辣辣啲芝士溶化晒 真系一丝丝咁样拉出嚟 卷埋用调味炒咗嘅鸡柳嚟食 好满足 够晒香浓惹味个芝士鸡其实一碟两个人食嘅话都好够份量啦 但系我哋最后都食咗两碟因为真系好好味之后我哋就食埋寿司饭卷就算啦 个饭卷正正常常好味啦 饭唔会太多 里面材料都够香