Pizza Maru (希慎廣場)

营业中

休息中

老公同阿仔最钟意嘅pizza就系Pizza Maru 嘅Chicago pizza，所以久不久都会去帮衬。韩国烤肉芝加哥 （$213）邪恶拉丝芝士pizza 🍕我哋又见面啦！😋批边甜甜地，有咬口，入面系芝心，食到批边都会忍唔住食埋佢。配料其实份量唔多，不过调味、劲量芝士同埋上枱时热辣辣，全部夹埋就好好味😋Classic pepperoni 辣肉满溢 🍕 （$138）相对地比较多料，不过批底冇咁有特色。我哋未order过，所以叫嚟试吓。味道都唔错，不过去其他餐厅都会食到。下次应该唔会再点。牛油蜜糖炸鸡🍗(6件$118）都系佢地两仔爷嘅必食之选。上次食嘅时候觉得D鸡细件咗份量又少咗，今次谂住比多次机会，睇吓有冇改善。好彩都冇令人失望，份量正常返，味道一如过往，牛油味香浓，外皮炸到金黄色，入面包住嫰滑鸡肉。（张相我影迟咗，佢哋两个已食咗几块鸡😅）最后试咗个凤梨虾芝士拌饭($139)。虾仁都几多，不过味道一般，有啲似食pepper lunch 😅下次可以试其他款式。