麥上日光 (已結業)

呢间早前人气高企嘅面包店一早已经系我嘅must try list。𠮶日同朋友响尖沙咀行完街，食完下午茶，准备返屋企嘅途中路过，又难得铺头冇人龙，唔系唔试下呀。啱啱食完下午茶，根本冇可能食得落成个包，所以我决定买返去做第二日嘅早餐。第一次试就梗系买佢嘅名物——五层流心芝士软包 (啱啱系最后两个)响雪柜雪左一晚，我已经降低左期望。摆落微波炉叮一叮，𠮶阵芝士香系无得弹。叮完热辣辣，啲芝士就流出嚟包够哂松软，佢嘅芝士并唔系平时食pizza𠮶种浓味咸香，而系滑溜奶香。邪恶嘅地方系你食晒成个都唔觉得腻，就会想食多个，不知不觉就增加左卡路里。