影片
更多
2015-12-08
990 浏览
今日同大少想去黄埔睇戏，谂住睇“那一天我们会飞”，点知……去到黄埔间UA，佢竟然……竟然同我装修……真系有啲想讲自己好白痴，点解唔上网睇左先，咁大安旨意，因为次次都好少人睇~既然戏睇唔成，我地就开始行吓街，顺便去揾食~行去OutBack𠮶边，见到有间Cafe都几人等位，见到多人等一定无死XDXD等咗大约15-20分钟就有位对于一个紫色控嚟讲，佢块墙完全啱晒我胃口，因为我系极级钟意呢只紫色，而且墙上面亦都放咗好多相，有啲系拉花相，有啲系食物相海虾蕃茄酱意粉 - 其实食意粉，我唔系太钟意食红汁，而且我觉得意粉都系白汁或者白酒煮会好味啲，但系……佢呢个蕃茄酱我觉得唔太酸，重有啲甜甜地，个海虾好爽口，意粉亦好弹牙 (AL DENTE)，继上次去上环食到间弹牙意粉之后，呢间系我比较惊喜嘅其中一间，试问大家去Cafe会唔会预自己会食到弹牙意粉﹖一般都系淋到无牙BB都食到架喇~~焗芝士牛油鲜菌薯皮 - 个薯皮好得意，我估咋，我估佢系将薯仔肉起一部份，留返一少部份黏住薯皮，再将变成蓉嘅薯仔肉放入薯皮，加入鲜菌，拎去焗炉焗，因为我同大少觉得个皮部份焗得好香脆，而中间，除咗食到鲜菌之外，薯仔部份极似薯蓉，
既然戏睇唔成，我地就开始行吓街，顺便去揾食~
行去OutBack𠮶边，见到有间Cafe都几人等位，见到多人等一定无死XDXD
等咗大约15-20分钟就有位
对于一个紫色控嚟讲，佢块墙完全啱晒我胃口，因为我系极级钟意呢只紫色，而且墙上面亦都放咗好多相，有啲系拉花相，有啲系食物相
16 浏览
0 赞好
0 留言
15 浏览
0 赞好
0 留言
味道完全无得顶~~
手工和牛汉堡 - 用和牛做汉堡，真系无试过喺Cafe食过，汉堡扒好Juice，个饱其实如果两个女仔嚟，可以叫一个就会饱，因为都唔细，再加埋薯条，其实真系唔错~~
杏仁朱古力 - 其实我有好多朋友都唔钟意杏仁嘅味道，唔知点解，但系，我就好钟意，煲汤所有南北杏我都会食、杏仁茶、杏仁豆腐花、杏仁糊，总之系杏仁味我都好爱~呢杯古古力最特别嘅地方除咗佢个拉花系熊啤啤之外，真系估佢唔到，入面竟然有一粒粒嘅杏仁小粒，饮饮吓，大少完全唔记得咗有杏仁粒，争啲哽亲 XDXD
热烤榛子朱古力 - 香浓榛子味道，不过如果朱古力再甜多啲会再开心啲，同埋……个拉花好得意，系肥版龙猫~~
Oreo & Brownie Waffle - 全晚邪恶之最，窝夫都已经够肥，重要再加埋Oreo同我至爱嘅Brownie，简直将我减肥计划终止咁滞(好彩咁食法第二日磅重都只系重咗一磅咁多)Oreo就无得挑剔喇，好难唔好食，个Brownie我觉得可以再甜少少，质感绝对OK
其实窝夫我最欣赏系饼身唔太实，食落好似阵风咁系最好，因为窝夫话晒都只系甜品，太实会好饱，呢个我觉得啱啱好，当然……我地都系食唔晒喇~~
张贴
