85
32
9
等级2
26
0
邪恶晚餐
2023-09-21 451 浏览
平日夜晚，时代广场静英英，唔怪得要推广夜经济。食嘢又几好，好chill，间舖几大，楼底有上下高，感觉一啲都唔局促，坐下hea下好舒服，连锁店好就好在唔限时。 食个任性嘅晚餐，甜品拼盘有朱古力雪糕，朱古力蛋糕同tiramisu, 底𠮶啲系士多啤梨酱同开心果碎，朱古力𠮶两样超好食！tiramisu好creamy, 但咖啡味唔够浓，成个感觉偏淡。中间𠮶件散咗一角都唔砌返，都几求其。甜品配鲜奶咖啡无顶弹！一啖甜一啖苦，冲击味蕾同个脑，今日第x杯咖啡，所以叫咗decaf 服务好好，我入座前问门口接待嘅经理系咪有意粉半价呢个优惠，佢答系之后，仲主动提我要叫一样嘢先可以享用呢个优惠，其实我无留意，佢估到会有啲咁嘅客，几醒。食食下我张纸巾飞咗落地下，隔一阵，有个职员主动拎过一张畀我！好贴心！
更多
平日夜晚，时代广场静英英，唔怪得要推广夜经济。食嘢又几好，好chill，间舖几大，楼底有上下高，感觉一啲都唔局促，坐下hea下好舒服，连锁店好就好在唔限时。

食个任性嘅晚餐，甜品拼盘有朱古力雪糕，朱古力蛋糕同tiramisu, 底𠮶啲系士多啤梨酱同开心果碎，朱古力𠮶两样超好食！tiramisu好creamy, 但咖啡味唔够浓，成个感觉偏淡。中间𠮶件散咗一角都唔砌返，都几求其。甜品配鲜奶咖啡无顶弹！一啖甜一啖苦，冲击味蕾同个脑，今日第x杯咖啡，所以叫咗decaf

服务好好，我入座前问门口接待嘅经理系咪有意粉半价呢个优惠，佢答系之后，仲主动提我要叫一样嘢先可以享用呢个优惠，其实我无留意，佢估到会有啲咁嘅客，几醒。食食下我张纸巾飞咗落地下，隔一阵，有个职员主动拎过一张畀我！好贴心！
32 浏览
0 赞好
0 留言
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
用餐途径
堂食