影片
更多
2024-10-29
995 浏览
仲记得第一次食Cheesecake Factory 喺系美国，当时已经一试难忘。佢系我心目中就同超大份量，超浓郁味道，超邪恶卡路里划上等号。😋😋到香港开咗分店后，又因为餐厅嘅位置唔属于自己经常去嘅地段，所有每次都只有等到「去开果头」先有机会食。而佢嘅邪恶但令人满足嘅味道，亦成为咗我个人最爱嘅comfort food 之一。近日去开海港城，亳不犹豫要去会下呢间餐厅先。今次同男朋友两个人去，虽然明知佢d 野超大份，依然叫咗我最爱嘅蟹饼，达文西长通粉，四重芝士长通粉，oreo 奶昔同Godiva 朱古力芝士蛋糕🤭🤭（最后食唔晒当然要take away😝）蟹饼有三件，里面系满满嘅蟹肉，非常足料，调味简单反而食到蟹肉最原有嘅味。长通粉非常大份，足够2~3人食，个人偏好达文西长通粉多d, 大量嘅磨菇同鸡肉粒，个汁有洋葱，玛蒂拉甜酒同几种唔多嘅芝士配合，甜甜酸酸咁唔会太腻。男朋友就偏爱有大量芝士嘅四重芝士长通粉，如果你系cheese lover 又唔怕腻，应该都会喜欢。🤭Oreo milkshake 系非常美式嘅一杯饮品，较为浓厚嘅质地，明显有大量嘅奶，cream.最后嚟到朱古力芝士蛋糕，与其话系芝
到香港开咗分店后，又因为餐厅嘅位置唔属于自己经常去嘅地段，所有每次都只有等到「去开果头」先有机会食。而佢嘅邪恶但令人满足嘅味道，亦成为咗我个人最爱嘅comfort food 之一。
近日去开海港城，亳不犹豫要去会下呢间餐厅先。
今次同男朋友两个人去，虽然明知佢d 野超大份，依然叫咗我最爱嘅蟹饼，达文西长通粉，四重芝士长通粉，oreo 奶昔同Godiva 朱古力芝士蛋糕🤭🤭（最后食唔晒当然要take away😝）
蟹饼有三件，里面系满满嘅蟹肉，非常足料，调味简单反而食到蟹肉最原有嘅味。
长通粉非常大份，足够2~3人食，个人偏好达文西长通粉多d, 大量嘅磨菇同鸡肉粒，个汁有洋葱，玛蒂拉甜酒同几种唔多嘅芝士配合，甜甜酸酸咁唔会太腻。
男朋友就偏爱有大量芝士嘅四重芝士长通粉，如果你系cheese lover 又唔怕腻，应该都会喜欢。🤭
Oreo milkshake 系非常美式嘅一杯饮品，较为浓厚嘅质地，明显有大量嘅奶，cream.
最后嚟到朱古力芝士蛋糕，与其话系芝士，个人觉得比较偏向朱古力蛋糕，Godiva 朱古力好香好浓好滑，无过甜但略为盖过芝士味，同样地系几腻嘅一个甜品，我地两个人share 都食唔晒。喜欢朱古力嘅话值得一试。
成餐饭其实食得几开心，样样都好岩胃口😍
唯一系服务略为有改善空间，餐厅内外籍女待应态度尚算正常，可惜本地男经理态度冷淡，结帐时待应收咗我地张信用卡好耐都未返嚟，自问有礼貌地问多一句（无催促成份）男经理只点一点头，无任何回应，态度爱理不理😕
张贴
