琦興餐廳

营业中

休息中

深水埗一直只系行下脑场，鸭记，好少行大南街一带，原来开咗唔少文青店，行完食个下午茶，醒起附近有间琦兴，以巨炸肶出名，虽然邪恶，但点都要会一会佢。门面，内部装修都系新派茶餐厅格局。其实，睇佢个餐牌，晚饭都好多小菜选择。不过，一心来会巨肶，其实都唔洗睇其他选择。$37巨型生炸鸡肶下午菜餐，饮红豆冰，菠萝冰，仲可以加$5加沙律或薯条。真系够晒邪恶！终于巨肶上枱，真系重量十足，比起细个咸丰年代大家乐炸肶重手大件！炸肶最基本皮脆，大家睇相都知一定过关。肉质方面，阿厨可能无睇火，系炸得有d过火，入面肉质有d干。整体比7分，大件抵食，味道唔错但有改善空间。至于菠萝冰，虽然菠萝都唔系咩值钱野，但差不多成杯都系，都系少见。