大渣哥茶記 (已結業)

去开湾仔、铜锣湾交界做嘢，做完嘢当然贪方便喺附近揾嘢食。以前成日去开渣哥食炸烧卖，大渣哥反而真系唔就脚，今次系第一次帮衬。餐牌劲多选择，真系会选到困难症发作。拣咗炸鸡髀配薯条，睇社交平台话由于鸡髀size参差，如果个髀太细就会搭多只鸡翼，所以我今日得到「髀翼双飞」套餐。炸鸡髀外皮脆但依然保到到鸡肉滑又juicy，而且真系啖啖肉；鸡翼都系热辣辣，估唔到系全翼，虽然无鸡髀咁多肉，不过都系皮脆肉滑。薯条热辣辣又够脆，其实食炸嘢就预咗油腻，不过呢度几样嘢都无食到成口油，真系意料之外。热华田就正常程度，唔会太甜。